top of page
  • 作家相片Lady Secret

🙈微調之後未復原,點同身邊人解釋好❓每人都有一個整容的藉口‼️

話說同事A小姐幾日前飛轉首爾,一周後回來,見佢忽然整日戴住太陽眼鏡,木無表情,忍唔住問佢係咪唔舒服。佢摸一摸鏡框,淡然一笑話:「無嘢,細菌入咗眼,生眼瘡」起初幾日我都信以為真,好奇走近睇真啲,見到眼角竟然有瘀痕,又青又紫,唔似係眼瘡!再三打聽,先知原來佢靜雞雞去韓國割完雙眼皮,不過為保天然美人形象,一於死都唔認整容,真係笑到碌地。


割完雙眼皮賴生眼瘡其實認真濕碎,小編又聽過有姊妹因為做完手術,剪走肚皮多餘肉後,因為肚皮傷口扯住扯住,搞到行路都伸唔直條腰,唯有拎拐杖返工。同事問佢發生乜事,佢就苦笑話:「跌親囉,真係黑仔」


小編更聽過有姊妹因為塊面埋咗線做提升,腫到好似豬頭咁,偏偏手上大假已用盡,唯有頂硬上返工。最慘係食晏時,埋了線的面珠顯得非常繃緊,就連擘大口食嚿豬肉都唔得。同事見佢拿出刀叉食中餐,舉止忽然好「貴族」,忍唔住走近問佢發生乜事,該姊妹唯有托住腮,面露尷尬表情話:「因為開刀剝完智慧齒,傷口仍然隱隱痛,只好將食物切到最細粒,先可以放入口內」


其實今時今日微調真係好平常,食個晏都可以打幾針扮吓靚,唔使收收埋埋。姊妹們有無聽過身邊最好笑的整容藉口歡迎大家留言比小編,一齊笑吓


*********************

請follow / like Lady Secret facebook / IG專頁,追蹤更多姊妹們有興趣的資訊:


Comments


bottom of page